Papa Françesko mund të ketë kryer një mrekulli gjatë vizitës së tij në Shtetet e Bashkuara të Amerikës në Shtator të këtij viti. Sipas Kristen Masciantonio, tumori në tru i fëmijës së tij vetëm në një vit ka rënë dukshëm pasi vajzën ia ka puthur Papa.
Prindërit e vogëlushes, Joey dhe Kristen Masciantonio vizituan një paradë të Papës në Filadelfia. Papa u ndal dhe e puthi krejt papritur Gianna-n.
Tani ata thonë se tumori i vajzës ka nisur të tkurret.
Kur bënë skanimet në Nëntor, prindërit nuk u besonin syve. Tumori ishte zvogëluar kaq shumë, sa nuk shihej më. A e shëroi Papa vajzën e vogël?
Babai shprehet i bindur se kjo është një mrekulli. Edhe pse asgjë nuk është akoma e sigurt.
Nëna e saj thotë: “Ajo po bëhet çdo ditë më mirë. Arrin të puthë dhe tregon gjërat me gisht”.
Gianna, 1 vjeç, vuan që nga lindja nga një tumor i pashërueshëm dhe nuk ka shpresa për një jetë të gjatë dhe të lumtur, sipas mjekëve.
