A ka ndonjë gjë më romantike se puthja e parë në një dashuri të re? Nëse shikoni nga perspektiva e zbulimeve të fundit kërkimore, në fakt puthja e parë është çdo gjë, përveçse romantike.
Puthja e parë me një partnere apo partner të ri është gjithmonë e paharrueshme, por përmban një karakteristikë që pakkush e mendon gjatë takimit të parë të buzëve të dy njerëzve, mikrobet nga goja lidhin “miqësi” të reja me mikrobet e tjera! Revista “Microbiome” sjell rezultatet e kërkimit të fundit që tregojnë se gjatë puthjes transferohen rreth 80 milionë baktere.
Studimin e udhëhoqi profesor, Remco Kort, ku morën pjesë 21 çifte që praktikonin puthjet për qëllime kërkimore. U zbulua se bakteret në gjuhët e çifteve ishin shumë të ngjashme, në krahasim me njerëzit që nuk janë një kohë të gjatë në një marrëdhënie.
“Është e qartë se, kur putheni për një kohë të gjatë me të njëjtin person, filloni të keni një koleksion shumë të ngjashëm të baktereve në gojë”, shpjegoi profesor Kort.
