SKOCI – 43-vjeçari Mohammed Abad pësoi një aksident automobilistik në moshën 6-vjeçare, dhe që prej asaj dite i është dashur të jetojë pa “burrërinë” e tij. Pas dëmtimit të rëndë të penisit, ai iu nënshtrua shumë operacioneve, të cilat u përmbyllën në moshën 43-vjeçare me vendosjen e një penisi bionik. Pajisja seksuale është e ndërtuar nga dy tuba, që përdorin lëngjet e çliruara nga stomaku për të patur ereksion. Ekipi i mjekëve që mori përsipër kryerjen e operacionit, përdori lëkurën e marrë nga krahu i Mohammed-it për të ndërtuar penisin bionik dhe operacion për vendosjen e tij zgjati plot 11 orë.
“Kur kam dëshirë për pak aksion, për pak qejf duhet të shtyp butonin ‘ndezur’ dhe kur mbaroj një tjetër buton. Duhen vetëm pak sekonda”,- thotë Mohammed.
43-vjeçari që banon në Edinburg të Skocisë thotë se ka pasur marrëdhënie me femra në jetën e tij, por asnjëherë një marrëdhënie të vërtetë. “Ndoshta disa femra do të duan ta provojnë penisin tim bionik”, – shprehet ai.
