Matthiu Ricard, është një murg budist që nuk është fare i pasur.
Ai nuk ka veturë, shtëpi e nuk posedon shumë para.
Bile ai tre muaj të dimrit i kalon vetëm, e pa ngrohje.
Por pavarësisht kësaj ai po cilësohet si njeriu më i lumtur në botë.
Ai është një biolog molekular, por që është kthyer në murg budist për gati një dekadë, transmeton Klan Kosova.
Por sipas një rezultati të publikuar nga neuro-shkenctarët, truri i Ricard gjatë meditimit ka treguar një shkallë të lartë të emocioneve dhe impulseve pozitive, që asnjëherë më parë nuk janë regjistruar në literaturën shkencore.
Këtë hulumtim e kanë kryer studiues të Universitetit Wisconsin sipas të cilëve meditimi për një kohë të gjatë ka aftësi të ndryshojë nivelin e lumturisë.
Ricard që shpesh përshrkuhet si “Murgu i lumturisë”, kohën e fundit e ka botuar një libër të titulluar “Happiness can’t have hurt”.
